منتديات رونا ومونى
عزيزى الزائر عزيزتى الزائره ان كنت مسجل فى المنتدى فقم بالدخول
وان كنت غير مسجل فيسعدنا انضمامك لاسره المنتدى بالتسجيل فى منتدانا



 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 رجال في زمن العار: لقد عــــــاد صلاح الديــن: قصة رائعة

اذهب الى الأسفل 
كاتب الموضوعرسالة
MOOOONY
المدير العام
المدير العام
avatar

عدد المساهمات : 24
نقاط : 67
تاريخ التسجيل : 25/02/2010
العمر : 28

مُساهمةموضوع: رجال في زمن العار: لقد عــــــاد صلاح الديــن: قصة رائعة   السبت فبراير 27, 2010 12:45 pm

الإمام يدعي ويعيّط

واللي وراه بيقولوا: "آمين"
عارفين كانوا بيدعوا بإيه؟

كانوا كل صلاه بيقولوا:


يا الله
رجّع لينا صلاح الدين...


يا الله
دا احنا بشوق مستنيّين


يا الله
لو جالنا هنقوم واقفين



يا الله

نمشى وراه ونكون طايعين



يا الله
و نحرّر أرض فلسطين




يا الله
بس ييجيلْنا صلاح الدين




يا الله...


*******

ولقينا فارس من نور
وحصانه بيجري ويْدُور

وف إيده السيف المتعافي

استعجِبنا...!!!

وسألناه: "انت اسمك إيه؟!"

قال بالفُصحى:

أنا يا قومِ صلاحُ الدينْ


ها أنا ذا

قد جئتُ إليكم

لكنْ نُبّئتُ بأخبارٍ عنكم سيّئةٍ للغاية

كيف رضيتم أن يُنتهَك الأقصى فيكم؟!

كيف سمحتم للأعداءِ بهذا الأمر؟!

كيف تركتم بيتَ المقدس؟!

كيف قَبِلْتُم عَيْشَ الذلّةِ بينَ الناسْ؟!

إنى مِتُّ وأرضُ القدسِ مُطهّرةٌ من كل خبيث

وتركتُ الأقصى من زمنٍ.... منصوراً.. مرفوعَ الراسْ

فتنازلتم أنتم عنه... للأنجاسْ!!

لكن... لا بأسَ... فقد عُدْتُ

وسنُرجِعُ جيشَ الإسلام

جيشٌ سوف يقودُ العالَم

أنتم.. جُنده..

هيا قوموا.....

سوف نحاربُ.. حتى الموتْ

هل مِن أحدٍ يُبدي رأياً فيما قُلت؟"


*******

كل الناس كانت ف ذهول
م اللي بيحصل




واحد فيهم
اتقدّم لصلاح الدين
قال: "اسمحلي
إنت صلاح الدين وانا عارف
لكن آسف...
ما اقدرش أحارب ويّاك
أحسن أنا على وِشّ جواز
عايز اشوفلي يومين ف الدنيا
أبقى عريس..
أفرح واتمتّع و أهِيص
لكن حرب؟!!!
سلامُو عليكم... أنا مش فاضي"


*******


واحد تاني

قال: "اسمحلي يا عَمّ صلاح

إني ما اروحش الحرب معاك

عندي عيال عايز اربّيهُم

وانا غلبان

باقْطَع من جسمي وبادّيهُم

لو رُحت معاك -افرض يعنى-

مين هيأكّلهم مِن بَعدي؟

مين -لو رُحت معاك- يراعيهُم؟

أنا عارف.. ربنا رب الوجود

هوا اللي بيرزُق... مش إحنا

بس انا خايف

والبَرَكه ف باقي الرجاله

هُمّا يسدّوا بدالي هناك

وانا هادعيلكُم كل صلاه"




*******


واحد تالت
قال: "انا تاجِر
عندي المصنع والدكّان
ومشاغِل أشكال والوان

أبقى عبيط لو سِبت مصالحي وْجيت ويّاك

لكن هابقى معاكو بقلبي


*******


واحد رابع...

واحد خامس...

سادس...

سابع...

عاشر...

ألف...

كل الناس قالوا: "آسْفين

رُوح وحدك يا صلاح الدين

أحسن إحنا مش فاضيين

لا لجيشك ولا لفلسطين

إيه يعنى أقصانا سجين؟

ما هو في السجن بَقَالُه سْنين

لو بالحرب هنُنصُر دِين...

يِبقى خلاص ما احناش عايزين

إحنا هنقعد منتظرين

وهندعيلَك بالملايين:

يا الله

إِبْعِد عنا صلاح الدين

يا الله

إحنا بحالنا كده راضيين..


يا الله...



*******


بعد ما قالوا كل كلامهم


بَصّ صلاح الدين بعينيه



مالقاش ولا واحد حواليه


يعمل إيه؟

الأرض انشقّت من تاني

ودخل وسط الأرض..


علشان يفضل


زي ما هوا... صلاح الدين


لكن ساب في القدس رساله
بيقول فيها
إنه حزين

علشان جيشُه ما كانش معاه
"
جيش حِطّين"


و بيطلُب من كل الناس
اللي بيدْعُوا كل صلاه


لو طلبوه تاني ينصرهُم


لما يقولوا: "يا الله..


رجَّع لينا صلاح الدين"


لازم يدعوا كمان و يقولوا:


يا الله


نحتاج جيشُه يكون ويّاه

كلمات اعجبتني
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
bakany
فريق اداره الموقع
فريق اداره الموقع
avatar

عدد المساهمات : 21
نقاط : 50
تاريخ التسجيل : 23/02/2010

مُساهمةموضوع: رد: رجال في زمن العار: لقد عــــــاد صلاح الديــن: قصة رائعة   السبت فبراير 27, 2010 12:48 pm

نااااااااااايس يا مونى ونتمنالك المزيد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MOOOONY
المدير العام
المدير العام
avatar

عدد المساهمات : 24
نقاط : 67
تاريخ التسجيل : 25/02/2010
العمر : 28

مُساهمةموضوع: رد: رجال في زمن العار: لقد عــــــاد صلاح الديــن: قصة رائعة   السبت مارس 06, 2010 1:49 pm

تسلم بكانى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
رئيس مجلس الاداره
رئيس مجلس الاداره
avatar

عدد المساهمات : 147
نقاط : 331
تاريخ التسجيل : 23/02/2010

مُساهمةموضوع: رد: رجال في زمن العار: لقد عــــــاد صلاح الديــن: قصة رائعة   الأحد مارس 14, 2010 3:15 pm

يسلموووووووووووووووو مونى Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://lifestyle.akbarmontada.com
 
رجال في زمن العار: لقد عــــــاد صلاح الديــن: قصة رائعة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات رونا ومونى :: المنتدى العام :: القسم العام-
انتقل الى: